Spennan súrsæt og 3 boltar eftir

Já það má segja það að spennan sé ansi mögnuð þegar einungis þrír boltar eru eftir af fyrsta helming tímabilsins. Frá viku 7 til viku 9 hefur ýmislegt gerst. Páll heldur efsta sætinu og er búinn að auka forskotið í hvorki minna né minna heldur en 3,5 stig sem er ansi ágæt forysta. Í fjarveru Smára hefur Árni unnið sig upp í annað sætið og situr þar með 28,5 stig á eftir Pálusi hinum mikla eins og hann vill láta kalla sig. Helgi datt niður um eitt sæti í áttundu viku en vann sig síðan upp um tvö sæti í síðasta bolta og situr nú í 3. sæti. Fast á hæla hans kemur Smári með 27 stig, hálfu stigi á eftir Helga. Í 5-6. sæti sitja þér félagar Arnar og Gummi með 26,5 stig. Arnar tók ansi stórt stökk á milli viku 7 og 9 og hoppaði upp um 4 sæti. Var í því níunda en er núna í því fimmta. Gott hopp af ófroski að vera finnst mér. Spurning hvort að Sólmundur sé að heltast úr lestinni því hann er kominn niður í það sjöunda. Var í því fjórða lengi vel. Hann gæti samt komið sterkur inn á lokasprettinum. Ásgeiri líkar vel við sig í því áttunda og hefur verið þar og er síðustu þrjár vikurnar. Hann gæti samt vel unnið sig upp í efri hluta töflunnar sem og lappahvíti Bjartmar sem er einu stigi á eftir honum í níunda sæti. Á botninum eru þeir Hjörtur, Jón og Kristinn í þessari röð.

Mark þessa bolta átti herra Torfason þegar hann skoraði liggur við fyrir aftan marklínuna og hrundi svo í gegnum tjaldið yfir í fimleikasalinn. Honum varð samt ekki meint af. 

Eftir áramót legg ég til að við núllum töfluna. Þannig að á lokahófi verða veitt þrenn verðlaun.

1. Sigurvegari fyrir áramót
2. Sigurvegari eftir áramót
3. Mega heildar sigurvegari sem nær yfir bæði tímabilin

Ef einhver mótmælir þessu þá verður viðkomandi líklegast tæklaður fast í næstu leikjum. Þannig að vinsamlegast mótmælið ekki. 

Athugasemdir

[Helgi , 29.11.2006 kl. 11:39]

Ég mótmæli !     - bring it on ;)

[Arnar Björnsson, 29.11.2006 kl. 13:57]

já höfum bara eins og í fyrra, að það byrjar nýtt tímabil eftir áramót.  Líst vel á að hafa megasigurverara

[Árni Torfason, 29.11.2006 kl. 13:58]

Helgi ég tækla þig alltaf hvort sem er

[Árni Torfason, 29.11.2006 kl. 14:05]

Viðbót við færsluna: Körfu boltans átti augljóslega Gummi.

[Guðmundur Andrésson, 29.11.2006 kl. 17:24]

Ég er mjög ánægður með framgöngu boltafélagsins þessa dagana, þ.e. ný síða, skemmtileg þema og sérstaklega tölfræðilega þáttinn sem er nauðsynlegur fyrir fótboltafíkla.

Annars er körfuskallinn langþráður draumur sem rættist. Nú á ég bara eftir að skora með vinstri, þá get ég lagt skóna á hilluna.

[Helgi , 1.12.2006 kl. 09:37]

Ég hvet Árna til að mæta með myndavélina aftur og taka fleiri myndir. Þrælgaman að sjá. Það þarf samt einhver að fara á vélina og taka mynd á meðan ég tækna Árna í drasl.

[Árni Torfason, 1.12.2006 kl. 09:40]

Það tæknar mig enginn!

[smari (IP-tala skráð) 2.12.2006 kl. 16:16]

Það er bara þvílíkt trash talk hérna að það þarf að þvo mönnum um munninn með sápu. Árni og Helgi, chilliði áður en einhver meiðist.